مرثية من الشاعر فيحان في فقيدي المهد الشيخ/منيف خليوي.والشيخ/مشعان زاحم

 أسأل الله تعالى ان يتغمد الفقيد الشيخ/منيف خليوي( ابو سامي)والشيخ/مشعان زاحم (ابو مسير)واسع رحمته وغفرانه
ولا حول ولا قوة الا بالله العلي العظيم

وهذه قصيده رثاء من الشاعر فيحان شعيفان في الفقيدي رحمهم الله

سلام يامهد الذهب والتحيات
سلام وافي من فيحان العضيله
ماهو علي شانك علي شان الاموات
عمي وابو سامي رجال الفضيله
ياموت وش بك مدهر بالعضيلات
ولا تاخذ الا من يساوي قبيله
من جرح فقد منيف ماطبت حزات
حتى يعود بجرح مافيه حيله
انوح وازيد التوجد تنهات
واذرف دموعآ مثل وبل المخيله
واللي ذبحني دمعه ابوي بالذات
اركت علي كبدي سوات المليله
يالين همي صار كبر السروات
اخفيه قدم الناس وازريت اشيله
ياجود مافارقني الهم ساعات
ولو جيت ابنسي حاجتن مستحيله
هيهات ماينسون هيهات هيهات
اهل الوفاء واهل الفعول الجزيله
لاكن من عقب طحاطيح مامات
واللي ماعقب مثلهم عزتيله
يالله يامنزل كتابك بالآيات
يالواحد اللي كلنا نلتجيله
تسكنهم الجنه يارب السموات
وتجبر عزانا في شيوخ القبيله
وختامها صلو وزيدو صلاوات
علي محمد كل يومن وليله

- - - - - - - - - - - - - - - - -
مرثيه الشاعر / فيحان شعيفان العضيله في فقيدي العضيلات الشيخ منيف خليوي والشيخ مشعان زاحم http://m.youtube.com/watch?v=5ben45Tv35U /n